Нарны эрчим хүчээр цахилгаан машин цэнэглэх станцыг танилцуулав

Японы автомашин үйлдвэрлэгч Тоёота компани Tokyo Motor Show 2009 үзэсгэлэнд цахилгаан машиныг нарны эрчим хүчээр цэнэглэх станцыг танилцуулсан байна. Станц нь нарны энергийг цахилгаан энерги болгон хувиргаж баттерейн тусламжтайгаар хадгалах бөгөөд цахилгаан машинуудыг цэнэглэх зорилгоор ашиглагдах юм. Уг цэнэглэх станцын цахилгаан хүчдэл 100в, 200в байх бөгөөд LAN болон хөдөлгөөнт сүлжээ ашиглан хэрэглэгчдэд цэнэгийн хэмжээ зэрэг баталгаат мэдээллийг хүргэх боломжтой ажээ. Уг станцыг 2010 оноос худалдаанд гаргахаар төлөвлөж байгаа бөгөөд хэдэн мянган долларын үнэтэй байх төлөвтэй байна. Өмнө нь Showa Shell болон Ниссан компани хамтран хөгжүүлж буй ижил төрлийн цэнэглэгчийг мөн олон нийтэд танилцуулж байсан байна.

, ,

0 сэтгэгдэл:

Сэтгэгдэл үлдээх